هذي قصيده للمطبلين للارهابي مغنيه
ايه افرحي يادار وارحـل ياكـدر
يبقى علمنا فـوق ويسـر النظـر
تبقى الكويت بعز قايدهـا صبـاح
خل يزعل الزعلان ويموت بقهـر
ياهيه ياللي رغت واخلفت المسـار
ما تدري ان الدرب قدامـك عسـر
سقيم فكـرك يـوم تمـدح مغنيـه
وين الولاء؟ووين توحيـد الفكـر؟
الطايره والموكـب اللـي فجـره
نسيت ما سـواه فـي ذاك الشهـر
بانـت خفايـا نيتـك وجحـودهـا
ولا عاد يشفعلك خطاب ولا عـذر
ولا تحسب ان الشي هذا يبيطـوف
زودت ذلـك ذل يالوجـه الغبـر
يا هيه مـن دون الكويـت عيالهـا
ال الصبـاح وشعبهـا نفـر نفـر
لعيون ديرتنا يصير اللـي يصيـر
ارواحنا فـدوه ولا ينقـص شبـر
صباح الاحمد شيخنا الحـر الابـي
سلام لـه منـا مـع باقـة زهـر
صبـاح الاحمـد شيخنـا ونبايعـه
ونجـدد البيعـه بكـل عـامٍ يمـر
ياميـرنـا ياعـزنـا يافـخـرنـا
شلون مانفخـر وتاريخـك فخـر
ياقايـد الشعـب الكويتـي للامـام
حنا معك والدرب قدامـك خضـر
حنا رجالك وانـت عـارف طيبنـا
لحتك عود بعـود واشتـد الخطـر
اشـر وتلقنـا جـنـود مسلـحـه
تحت الامر لاجاء من والي الامـر
مدامنا حزامـك ودرعـك سيـدي
حنا نخلي الـدرب لعيونـك قفـر
شق الجبال ودوس وعرات الدورب
لا تلتفـت للنـاس وتلـد النـظـر
ياشيخنا ندعي عسى ايامك تطـول
يحرسك من شر العيون اللي تضر
لايشغلـك ياسيـدي هــذا وذاك
الــدار محمـيـه ولله الشـكـر
ختامها صلو علـى سيـد الانـام
على نبي الله عـدد وبـل المطـر
الثلاثاء فبراير 26, 2008 10:57 am
