هذي القصيده من واقع معي وهي اتكلم عن نفسها ( تواديع المغيب )

ماهقيت ان الحقايق يبي يغيرها الزمان

لين راعي الدار شفته في نظر داره غريب

ولاتوقعت المقدر يفرض بحكمه علان

لين جاني في حياتي مايحسبه النصيب

كنت جاهل فالمحبه ماوصل عمري ثمان

لين شفته واستضفته في حشى جسمن رطيب

اروع احساسن حملته مايعبره اللسان

لا ولا حتى قصيدي في وصوفه تستغيب

كنت اشوفه في خيالي من مكان لمكان

وكنت اشيله في خفوقن ممتلي حبن وطيب

والله اني من عرفته ماعرفت الا الامان

والله اني من عشقته عاشقن فيه الحبيب

كنت اطالع في عيونه ماشوف الا الحنان

وكان مثلي في غرامه يشتعل قلبه لهيب

لين جاني في منامي فيه خوفن بالعيان

قال ماهو في يديني زوجوني بالغصيب

واستبقت بيومن اسود فيه كل الحزن بان

يوم عرسه لازم اني عن زفافه ماغيب

يوم زفو نور عيني هلت ادموع الحزان

ولتفتلي في عيون دمعها يسكب سكيب

ليت خلي يوم قفى نيته غادر وخان

كان والله مابكيته في دجا لليل عصيب

مافهمت الحكمه الي صاغها الله بالزمان

مابعد شمس الشروق الا تواديع المغيب
هذي القصيده من واقع معي وهي اتكلم عن نفسها ( تواديع المغيب ) 909490

لين جاني في منامي فيه خوفن بالعيان

قال ماهو في يديني زوجوني بالغصيب

صح لسانك وسلم بنانك

تعطشنا لابداعاتك

لاتقاطعنا

دمت بـــــعز

ليت خلي يوم قفى نيته غادر وخان

كان والله مابكيته في دجا لليل عصيب

انا اشهد يابن مطير

صح لـــســـانك ولاهنت

سلآم عليكم ورحمة الله وبركاته

صبحكم الله بالخير

ومرحبآ بسهلين .. بسلطان الهوى ... وكل من عقب وراء النص الرفيع المستوى إللي ادرجه لنا في قائمة الشعر عالي الذوق والشاعريه في المنتدى

طبعآ مثل ما تفضلت ...القصيده

تشرح فصولها بين طيات حروفها

والجميل بالقصيده ... إنها كانت على شكل احداث تشد القارئ لها وتجذب إنتباهه

والحزن اللي فيها .. اضفى عليها طابع من الشاعريه

وأنـا عندي تعقيب بسيط أو تعليق بالأحرى على احد الأبيات

وهو :-

والله من عرفته ماعرفت الا الامان

والله اني من عشقته عاشقن فيه الحبيب

أعتقد إن البيت مكسور في صدره ((شطره الأول))

وأعتقد إن الكسر ..يسبب هفوة وليس عيب في الشاعر

فمن الواضح أنه قد نسى كلمة إني

والله إني من عرفته ما عرفت إلا الأمان << ليكون الشطر الأول بهذا الشكل

والكلمه اجزم إنها سقطت سهوا وليس خلل من سلطان

والدليل إن المعنآ شبه ناقص في الشطر .. وأيضا هو ادرج الكلمه في العجز ((الشطر الثاني من البيت))

وعندي استفسار بسيط ثاني عن أول بيت

ماهقيتانك الحقايق يبي يغيرها الزمان << هل الكلمة الأولى هي ( ما هقيت إن )

انا مشيتها على هذا الأساس ولكن استغربت وجود حرف الكاف

فياريت لو توضح لنا أول جمله من البيت ..لكي تتضح الصوره لنا

وأخيرا اسجل اعجابي الشديد في القصيده

وعساك على القوة يا سلطان

ولا عدمنا هالحس المرهف

دمت بكل خير

صحت ابدنتكم جميع
وشاكرلكم على حسن المتابعه
ولاهنتو جميع
اخوي طرقاعه والله ان ملاحظاتك اني استفيد منها كثير
وبالنسبه للكلمه الاولى هي ( ماهقيت ان)
والملاحظه الثانيه هي طال عمرك مثل ماتفضلت نسيت لاكتب كلمة ( اني )
واسمحولنا على البدليات والنسيان
جل من لايسهو سبحانه
وانا اوعدكم اني اجيبها لكم على العود كأغنيه

شكرا لك سلطان على التوضيح ...

العفو وانا والله ودي احط قصايدي بالصوت
ولا الكتاله لكم عليها ولا هنتو جميع

حنــا وهي كتــآبه سحرتنـــآ شلون بالصـــوت

قصــــــــآيدك حلـــوه وصــــح لســــــــآنك واللـه

واعجبــنبي بيــــت[الي يقـــــــــــول]

مافهمت الحكمه الي صاغها الله بالزمان
مابعد شمس الشروق الا تواديع المغيب

فعـــــــــــــــــــلآ .... وصـــــــــــــح لســـــــــــــــــآنك وبنـــتـــظر جـــديدك

مـــســــك

صح ابدانتس

ومرورك هو الاجمل

وشاكر لكم على مروركم جميع