يلعن ابو رجلٍ يذله هوى بنت

ياللي بأساليب الخيانه تفننت && وش رجعك عقب الجفا والقطاعه؟؟

فارق عيوني وابعد ارجوك لاهنت && دامك تصنعت المشاعر صناعه

لعبت لعباتك بتمثيل واتقنت && وألفت كذباتك بفن وبراعه

وخليتني بالنار يومك تمكنت && وقعدت ادوّر في هواك الشفاعه

لآن الحجر من حالتي وانت مالنت && لأني اعطيتك غلا عن قناعه

غدرت بي واخلفت ضني بك وخنت && وخذيت حبي لك مجرد اشاعه

لاتقول ابرجع بالهوى مثل ماكنت && ضاع الهوى وانت السبب في ضياعه

يوم اني اسهر الليل وين انت && يوم اتحرى جيتك كل ساعه

ياللي مع الأيام ضدي تلونت && يامن تفنن في وسايل خداعه

بك من تواصيف الغدر لاتمسكنت && كنه اخوك من الصدر والرضاعه

يالمعدن اللي حكك الوقت بيّنت && بيّن صداك اللي خذيته بضاعه

ربتني الدنيا على يديك وايقنت && ان ماكل من يطمح طموح استطاعه

اليوم عقب اللي جرالي تمعنّت && والحر بعيونه يبين انطباعه

كانك مع العاذل وهمي تعاونت && عندي شهاده بالصبر والشجاعه

وان كانك اسلوب التحدي لي اعلنت && ابشر برجالٍ يشمٌر ذراعه

انا طبعي وبأطباعي آمنت && من عافنا يحرم علينا اتباعه

واللي معي صادق بعيني له اسكنت && عندي عن اسلوب الخيانه مناعه

تدري؟؟ مدامك للهوى اليوم ماصنت && اقولها بوجهك وكلّي قناعه

يلعن ابو رجلٍ يذله هوى بنت && إذا تخلى لأجلها عن طباعه

منقوووول

[/center]

واللي معي صادق بعيني له اسكنت && عندي عن اسلوب الخيانه مناعه

قصيده روووووووووووووعه

صح لسان شاعرها وتسلم ايد ناقلهاا

لاعدمنا تواصلك

صح بدنك مزمز منوره صحفه بمرورك

يسلمووووو سمـــو ع القصيدهـ

يعطيكـ العافيهـ

بيض الله وجهك عاامر

خووش قصيده تسلم يمين ناقلها وصحلسان قايلها

اقتباس :: ربتني الدنيا على يديك وايقنت && ان ماكل من يطمح طموح استطاعه

هذا البيت اللي عجبي واشوف فيه واشوف معنى كلمة شعر فيه

صح لسان قايلها وتسلم سمووو على النقل الرائع والمشاعر الحلووو

يعطيك العافيه
تقبل مروري