درب المحبه

سر ياقلـم فكـري تزايـد شطونـه
تديره الأفكـار مـع كـل هوجـاس
مره ورى المقراح وأمـرار دونـه
وأمرار يأخذبي مع الضيم مـرواس
اسايـر الدنيـا بستـر ومعـونـه
وألا المشاكل مالهـا حـد وقيـاس
ولاني مـن اللـي يخلفنـه ظنونـه
صليب راس وللمواقف قوي بـاس
من عزوتٍ حوض المنـى ياردونـه
تـدوس بالأقـدام ماهيـب تنـداس
البارحـه والقلـب كثـرت طعونـه
بجروح لاتبـرى ولاهـي بتنقـاس
كنـي يتيـمٍ والـعـرب مايبـونـه
عزي لمن حده زمانه على النـاس
ومـدام راسـي ينهضنـه متونـه
وألي مع أهل العرف ماقف ومجلاس
بشيل حملي فـي زمـان المهونـه
مااشال غيض الزير في غدر جساس
وأنخى قصيدي والهجوس مغبونـه
أنخى بنخوة شايب دبـاس لدبـاس
أمـا جزالـة شـاعـرٍ يعرفـونـه
والا تركت الشعر حبـرٍ وقرطـاس
ياويـن أبلقـى فالمحبـه مصونـه
من عقب خلي شتت الفكر وسواس
يـاروح ياسلطان ياغـلاه وعيونـه
ياجوهره تلمع بعقـدٍ مـن المـاس
شوقـي كمـا نـوٍ تراكـم مزونـه
وبله دموع العين لن جيت عسـاس
ابطيت وظروف الهـواوي تخونـه
وأنا أدري إنك بالأحاسيس حسـاس
لكـن حبـك ماتهـزهـز ركـونـه
لأنه مشيد ياحبيبـي علـى سـاس
تعـال سلطان عذبـنـه لحـونـه
يجرها لاهب مـن شـرق نسنـاس
طعـم المفـارق مـر مايشربونـه
ألا هل الحـب الحقيقـي بالتعـاس
يقولهـا اللـي ذاق شكلـه ولونـه
متجرعٍ مـره بكـاسٍ ورى كـاس
الوصـل يأهـل الحـب لاتقطعونـه
ترى الرجا فالحب خيرٍ من أليـاس

ســــهــــم عتيـــبـــه (سلطان العتيبي)

هــلآ ومرحــبآ وسهلين

حي الله سلطان هذي والله الساعه المباركة

عسآك ما تهون على هالقصيده الرائعه يا سلطان

اقتباس :

ومـدام راسـي ينهضنـه متونـه
وألي مع أهل العرف ماقف ومجلاس

يآسلآم على هـأك الشموخ إللى ترقاله عيونك

وعز الله إن مجلاسك وماقفك يا سلطان عزوة وفخر

وحييت عد ما كانت ابيات قصيدك جزله

أما القصيد أنا مالي فيه تعليق ....

لإن كل حرف يعلق ويعبر عن نفسه

دمت بود يالغلا

صح السانك يالشاعر ولاهنت
الجزل ماتجي الا من الجزل

وهذا ماهو غريب عليك ولاني مستغربه
وافي يابو السلاطين