كيف غابت عــيوني

هذي قصيده رائعه للشاعر فيصل الدلوم اتمنى انهاا تعجبكم

لا تسألوني ..واسألوها من متى ما كلمتني....

وصدقوني لو سألتوا ادري ما ينفع معاها

من يصدق كيف غابت عن عيوني وهجرتني....

مخطيه والله يعلم لو تجي بدمح خطاها

غاليه .. والشاهد الله من غلاها ولعتني....

ومن بعد ماولعتني .. احرمتني من غلاها

وقلت يمكنها اتغلا مثل ماهي امعودتني....

تحرق اعصابي وترجع .. كل ماربي هداها

ليه وش ذنبي بدون اسباب هالمره نستني....

ماني متحمل جروحي وزود اجروحي قساها

اذكر انها حذرتني بكم كلمه واسأ لتني ...



وش مصيرك لو تركتك وسط هالدنيا وغثاها ؟

كانت تلمح لحاجة ومن بعدها حلفتني ...

اني لاغابت اغيب وانسى لو قلبي بغاها

ليتها قبل الرحيل ابكل صراحه فهمتني ....

هي ظروف الوقت والا شخص ولعها وبغاها

ما هقيت اني بتعب لين راحت وتركتني....

ولين قلبي قال ..هذي مالي محبوبه سواها

من يلوم القلب فيها لو انها فتنتني...

دام لاجات اتباها قال من حقها تباها

من حلاها ماكذبت ان قلت تسحر وسحرتني ...

ولو تمر قدام عيني .. زر عقلي من حلاها

ليه قالتلي ..احبك ..؟ ليه فيها جننتني...

مادرت انها بكلمه علقتني في سماها

من كثر ما كنت احبها لو ثواني قاطعتني...

ابلا شعور اسأل عليها واقلب الدنيا وراها

علموها كيف صارت دنيتي من هملتني...

قولولها اني اموت وكاره الدنيا بلاها

وذكروها بكل كلمة من شفاها ضيعتني...

ماكفاها .. ماجرالي .. اسألوها ماكفاها ..؟

مابقالي غير صورة فالبعاد وعذبتني ...

من اطالعها تضيع العين في ضحكة شفاها

ومابقالي غير <ساعة>منها يوم ذكرتني...

بعيد ميلادي وصارت تحسب الوقت القاها

لوصحيح انها تبيني ماتمادت وخسرتني...

لو صحيح انها تحبني ماتخلت عن هواها

السهر عذب عيوني .. والقصايد دمرتني ...

وكل حرف بهالقصيده يشكي الحال وعناها

ليتها تفهم كلامي لاوصلها واسمعتني ...

ليتها ترحم حبيب لو تناست مانساها

مشكرورين على المروور

لوعه احلى القصايد اللي فيهاا فراق يكون فيهاا الصدق اكثر

ألف شكر لمسه على هالقصيده


أنــا اتذكر إني علقت على هالقصيده .. بس للأسف ما لقيت ردي ....

على العموم أسجل اعجابي بالشعر وشاعرها....

وتسلمين على هالنقل

الله يعطيج العافيه ولا عدمنا مواضيعتس
والله يكفينا شر موضوعها
>>> مايحب طاريه الموضوع

صح لسانك
<<يدق تحيه العتيبي لعيون القصيده الجزله